Nueva polémica con Carmen Moriyón, alcaldesa de Xixón. Tres negar la celebración del Primer Sidre del Añu a los sos organizadores nel Muséu del Pueblu d’Asturies y tener que treslladar l’eventu a Cimavilla, agora, unos meses dempués, un actu electoral de VOX va celebrase nesi espaciu.
Naquel momentu, Fundación Asturies XXI, promotora del eventu, presentó un recursu que se rechazó y dende la casa conceyu la decisión basábase na presencia d’una bebida como la sidra, la principal de la cultura asturiana, nun llugar como’l muséu, dedicáu precisamente a la cultura asturiana, calficando esto como negativo, magar de que son munchos los eventos que se faen nesti espaciu.
Sicasí, agora, con motivu de les elecciones europees, VOX va realizar un actu electoral nel mesmu espaciu esti vienres 24 de mayu, coincidiendo amás cola presencia de les Fuercies Armaes na ciudá y cuntando cola aprobación del gobiernu xixoniegu, siendo’l Muséu del Pueblu d’Asturies. Nes redes sociales sintiéronse yá crítiques a esta decisión y diferencia de criteriu que sorpendió a munchos xixoneses.
Vox abre el viernes su campaña electoral en Gijón y en un espacio como el Pueblu d’Asturies que está pegado a la Feria de Muestras que es donde está el campamento donde se han instalado todos los militares que participan en el Día de las Fuerzas Armadas.
No es casualidad. https://t.co/XzWwE0TOZ4
— Alfonso Fs (@alfonsofs_) May 23, 2024
