La Empresa Municipal d’Agües de Xixón espublizó’l llistáu provisional coles 1.277 persones que se presentaron a la bolsa de operarios convocada pola empresa municipal el pasáu mes de payares. A partir del llunes, 8 de febreru, ábrese un plazu de cuatro díes para la subsanación d’erros, que va rematar el xueves 11 de febreru.
Les bases d’esta convocatoria fueron les primeres redactaes coles mires de consiguir la incorporación paritaria del personal, atendiendo al plan d’igualdá de la empresa. Ye una midida “necesaria” pa entamar a correxir el desequilibriu de xéneru esistente na plantiya d’EMA. Asina, del total de persones qu’allegaron a esti procesu, 890 son homes (69%) y 387 muyeres (31%).
Una vegada rematáu’l procesu va contratase a 18 persones y va crease una bolsa d’empléu con otres 60, para cubrir les necesidaes d’incorporaciones temporales que se produzan mientres los cuatro años de vixencia afitaos pa la mesma.
Dende’l Conceyu de Xixón afirmen qu’esti procesu de selección «tuvo rexíu en tou momentu polos principios d’independencia, publicidá ya igualdá de méritu y capacidá».
