El 28 d’agostu, l’autocine de Xixón va proyectar la que va ser la so postrer película. Tres 32 años en Somió (la so andadura entamó en 1993), l’hestóricu espaciu que llegó n’ocasiones a ser l’únicu cine al aire llibre del estáu, pieslla les sos puertes. Lo faen con pena, pero los propietarios nun quieren anovar l’arriendu tres el cambéu nel Plan Xeneral d’Ordenación Urbana.
L’anuncia diéronla ellos mesmos nel so perfil oficial d’Instagram, con un mensaxe que dicía: «Hora de irse. Gracias por estos 32 años», aludiendo a la postrer fecha d’emisión, el 28 d’agostu. Un espaciu hestóricu de Xixón que tamién desapaez de la ciudá y que namás queda na memoria, mesmo qu’otros llugares con esencia xixoniega como’l Savoy, ente otros.
