El Festival Internacional de Cine de Xixón (FICX) celebrará la so 63 edición del 14 al 22 de payares baxo’l lema “El cine auténticamente independiente”. El certame presentará 197 obres en sala —con un 56% dirixíes por muyeres— y hasta 247 títulos contando la programación online en Filmin.
El actor y presentador Arturo Valls conducirá la Gala Inaugural, que abrirá col estrenu estatal de Blue Moon, la nueva película de Richard Linklater, y cerrará con El gran arco, del francés Stéphane Demoustier.
El festival contará con 39 títulos asturianos y con grandes nomes internacionales como Daniel Day-Lewis, que torna a la interpretación con Anémona.
El FICX homenaxeará a Naomi Kawase, Lisandro Alonso, Massiel, Vicky Peña y Pilar Palomero, reforzando’l so compromisu col arte, la igualdá y la creación d’autor.
