Les xornaes de puertes abiertes de la Xunta Xeneral del Principáu d’Asturies ufierten anguaño per primer vegada una de les sos visites guiaes n’asturianu. Tolos díes y embaxo demanda ensin previa inscripción y de forma gratuita, a les 18 hores.
Los visitantes van percorrer les principales dependencies del Parllamentu asturianu: la Sala Constitución (antiguu salón de plenos), l’Hemiciclu, la Sala Argüelles y el Salón Europa.
L’horariu xeneral de visites guiaes llargues, d’ente 45 y 50 minutos, van ser cada hora (11:00, 12:00, 13:00, 17:00 y 18:00 hores), siendo la última doble, con un pase en castellán y otru n’asturianu.
Les visites acompañaes curties van facese cada media hora (10:45, 11:15, 11:45, 12:15, 12:45, 13:15 y 13:45; 16:45, 17:15, 17.45; 18:15 Y 18:45 hores), en grupos de non más de 40 persones.
