Avisu llegal

CUATRO GOTES PRODUCCIONES SL, responsable del sitiu web xixonaldia.com, n’adelantre’l RESPONSABLE, pon a disposición de les persones usuaries esti documentu, col que cumple les obligaciones de la Llei 34/2002, de 11 de xunetu, de Servicios de la Sociedá de la Información y de Comerciu Lletrónicu (LSSICE), y col que-yos informa de les condiciones d’usu del sitiu.

Toa persona qu’apuerte a esti sitiu web asume’l papel d’usuaria y comprométese a cumplir lo qu’equí se diz, amás de cualquier otra disposición llegal que fuere d’aplicación. El RESPONSABLE reserva’l derechu de camudar cualquier información qu’apaeza nel sitiu web ensin obligación de dar avisu previu, entendiéndose abondo cola so publicación equí.

Datos identificativos

• Nome del mediu: Xixón al Día
• Nome de dominiu: xixonaldia.com
• Denominación social: CUATRO GOTES PRODUCCIONES SL
• NIF: B52553070
• Domiciliu social: Cai Emilio Tuya, 51, 33203 Xixón — Asturies
• Teléfonu: 984 08 66 26
• Corréu: hola@cuatrogotes.com
• Rexistru Mercantil d’Asturies: diariu 91, asientu 3911, tomu 4259, foliu 197

Oxetu del sitiu

Xixón al Día ye un mediu de comunicación dixital d’información xeneral, escritu n’asturianu, centráu en Xixón y n’Asturies. L’accesu a los sos conteníos ye llibre y de baldre y nun ye necesario rexistrase pa lleelu.

Drechos de propiedá intelectual ya industrial

El sitiu web —la so programación, edición, compilación y demás elementos necesarios pal so funcionamientu, los diseños, los logotipos, los testos, les semeyes, les viñetes y los gráficos— ye propiedá del RESPONSABLE o, si ye’l casu, dispón de llicencia o autorización espresa de los sos autores. Tolos conteníos tán protexíos pola normativa de propiedá intelectual ya industrial.

La reproducción total o parcial, l’usu, la esplotación, la distribución y la comercialización de los conteníos requier en tou casu l’autorización escrita previa del RESPONSABLE. Nun ta permitío copiar noticies enteres nin les viñetes n’otres webs, redes o boletinos ensin permisu. Sí ta permitío, y agradezse, citar un cachu curtiu diciendo la fonte y enllazando a la noticia orixinal.

Les semeyes y los materiales d’axencies, gabinetes o terceros que puean apaecer nel sitiu pertenecen a los sos respeutivos propietarios, que son responsables de cualquier discutiniu que pudiere haber sobro ellos. El RESPONSABLE autoriza espresamente a que terceros enllacien direutamente a los conteníos concretos del sitiu.

Pa cualquier avisu sobro un posible incumplimientu de drechos de propiedá intelectual o industrial, escribi a hola@cuatrogotes.com.

Responsabilidá sobro los conteníos y drechu de rectificación

La información publicada ellabórase colos medios y les comprobaciones al algame del mediu. Los errores correxímoslos. Si daquién considera qu’una información publicada nel sitiu ye inexacta y el so perxuiciu ye ciertu, pue exercer el drechu de rectificación que reconoz la Llei Orgánica 2/1984, de 26 de marzu, escribiendo a redaccion@xixonaldia.com o al domiciliu social d’arriba.

Los artículos d’opinión asoleyen el pensar de quien los firma y nun son necesariamente’l del mediu.

Esención de responsabilidaes

El RESPONSABLE nun se fai responsable de la información publicada nel so sitiu web cuando esa información fuere manipulada o introducida por un terceru ayenu al mesmu ensin que’l RESPONSABLE tuviere conocencia efeutiva d’ello o, teniéndola, actuare con dilixencia pa retirar los datos o pa facer imposible l’accesu a ellos.

Esti sitiu revisóse y prebóse pa que funcione bien, y en principiu pue garantizase’l so funcionamientu los 365 díes del añu. Sicasí, nun se descarta la esistencia d’erros de programación nin de causes de fuercia mayor, catástrofes naturales, fuelgues o circunstancies asemeyaes que faigan imposible l’accesu.

Política d’enllaces

Dende’l sitiu web ye posible dir a conteníos de terceros. Como’l RESPONSABLE nun pue controlar lo qu’esos sitios publiquen, nun asume responsabilidá dala sobro esos conteníos, y va retirar darréu cualquier redireición a un sitiu que contravenga la llexislación, la moral o l’orde públicu, poniéndolo en conocencia de les autoridaes competentes cuando faiga falta.

Nos artículos puen dir incrustaos vídeos, mensaxes de redes sociales, gráficos o audios d’otres webs. Esos conteníos nun se carguen mientres nun los aceptes: mira la política de cookies.

Cookies

Esti sitiu usa cookies propies pa alcordase de les tos preferencies de privacidá y, namás si les aceptes, servicios d’otres empreses pa contar les visites y p’amosar conteníu incrustáu nos artículos. Nun s’usa nenguna cookie de publicidá nin de siguimientu ente webs.

Tienes el detalle enteru, cookie a cookie, na política de cookies, y pues camudar los tos axustes de privacidá cuando quieras.

Direiciones IP

Los servidores del sitiu web puen deteutar de mou automáticu la direición IP y el nome de dominiu que tas usando. Esa información queda nun ficheru d’actividá del servidor que sirve pa la seguranza del sitiu y pa recuentos puramente estadísticos —cuántes páxines se sirvieron, cuántes visites hubo, qué erros dio—, y nunca s’usa pa identificate.

Llei aplicable y xurisdicción

Pa resolver cualquier discutiniu rellacionáu con esti sitiu web o coles actividaes que se desenvuelvan nél aplícase la llexislación española, a la que se someten espresamente les partes, siendo competentes pa resolver los conflictos los Xulgaos y Tribunales del llugar del domiciliu de la persona usuaria o del llugar de cumplimientu de la obligación.