Bolsa d’empléu de Emulsa: 6.935 candidatures pa 950 places

Un total de 6.935 persones van participar nel procesu selectivu de la bolsa d’empléu temporal d’Emulsa pa optar a una de les 750 places de peón de llimpieza y 200 de xardinería. A la ufierta pública presentáronse 7.355 persones: 6.935 fueron almitíes, 681 pa xardinería y 6.254 pa llimpieza, y 420 quedaron fora. Un 45 per cientu de les solicitúes son de muyeres y un 15 per cientu de persones ensin empadronar en Xixón.

La primer parte del procesu de selección va consistir nun concursu nel que se va valorar la formación, esperiencia profesional y criterios sociales. Na segunda, realizaráse un test teóricu. Esta prueba va tener llugar el 1 de marzu nel recintu ferial Lluis Adaro. El presupuestu máximu pa la fase d’oposición de la bolsa d’empléu d’Emulsa va ser de 150.000 euros col fin de garantizar la seguridá, axilidá y llegalidá del procesu. Los trabayadores van dir incorporase según les necesidaes de la empresa a partir de xunu.