Asturies rexistró, del 7 al 13 d’avientu, 80 aules y 1.314 estudiantes confinaos pola incidencia del coronavirus nos centros educativos públicos, alcordaos y privaos, incluyíes les escueles de 0 a 3 años.
Esto supon que les autoridaes sanitaries decidieron aisllar el 1,19% de les 6.695 clases abiertes na comunidá y al 0,9% del alumnáu matriculáu (137.500) dende’l primer ciclu d’Infantil hasta Bachilleratu y Formación Profesional (FP).
A lo llargo de la selmana, la Conseyería de Salú echó voz de 542 positivos por covid ente la comunidá educativa: 485 ente l’alumnáu, 44 en personal docente y 13 en personal non docente.
Al igual que’l cursu pasáu, los procedimientos que se ponen en marcha énte la detección de positivos de coronavirus venceyaos a centros educativos tán recoyíos na Guía d’actuación énte l’apaición de casos de covid-19, ellaborada pola Dirección Xeneral de Salú Pública y el Serviciu de Salú del Principáu (Sespa) y actualizada el pasáu 17 de setiembre.
