Casi ensin aliendu del esfrute de los festivales d’esti branu, Boombastic acaba de presentar
yá’l so cartelu pal festival d’Asturies, que se va celebrar los díes 20, 21 y 22 de xunetu de 2023. Artistes como Bizarrap, Bad Gyal, Funzo & Baby Loud, Ptazeta o Recycled J van repitir cartelu de nuevu en Boombastic, amás d’otros que van ser novedá y van debutar nesta edición de 2023 como Villano Antillano, Lali, Danny Ocean, Natos y Waor, Hoke o Jedet, y munches incógnites que se van dir desvelando según se vaya averando la fecha del eventu.
Mientres la fiesta presentóse’l aftermovie oficial de les cuatro ediciones de Boombastic de 2022, y a lo llargo de la nueche pasaron polos escenarios los artistes Dudi, Nano, Deva y Yeico x Toni, amás de les sesiones de los dj’s Pablo Gareta, Li4m, Blvck Seal y Michenlo, quien amás desveló la so presencia nel eventu asturianu de 2023, col so Blue Party.
Los allugamientos confirmaos hasta la fecha onde se va celebrar el festival en 2023 son Madrid, que volverá celebrase nel auditoriu Miguel Ríos de Rivas, los díes 16 y 17 de xunu: Mariña del Sol con feches entá por confirmar; y Alicante, los díes 17, 18 y 19 d’agostu.
