Dalí y la lliteratura xúnense nel Centru Niemeyer
El xeniu del surrealismu llega al Centru Niemeyer. Salvador Dalí. Dibuxar lo escrito ye la nueva esposición del centru cultural avilesín que, dende’l 3 de marzu hasta’l 18 de xunu, podrá visitase na Cúpula. L’amuesa, comisariada por Marisa Oropesa, busca adentrase nel particular mundu d’unu de los artistes más universales del sieglu pasáu: Salvador Dalí. Tou ello al traviés d’un percorríu por casi doscientes obres qu’averen al visitante al universu únicu, cargáu d’imaxes oníriques, que’l ceador catalán desenvolvió nes sos facetes como ilustrador y dibuxante.
