El plazu d’inscripción nos cursos y talleres programaos pal segundu semestre de 2019 pola Universidá Popular de Xixón yá ta abiertu. La matrícula va realizase, como yá ye habitual, de forma gradiada. Dende esti miércoles 11 de setiembre puede realizase la inscripción nos cursos que s’imparten nes Aules de música, allugaes nel Antiguu Colexu Manuel Medina, los museos Casa Natal de Xovellanos y Nicanor Piñole y el Centru de Cultura Antiguu Institutu. El xueves 12 va abrise’l plazu para los cursos programaos nos CMI Atenéu de La Calzada y Pumarín Xixón Sur, el Colexu Públicu García Lorca y el Taller de cerámica – Parque d’El Lloredal. Finalmente, el vienres 13 de setiembre van poder empezar a matriculase quien deseyen realizar un cursu nel Centru Municipal d’El Natahoyo, nos CMI d’El Coto, El Llano y L’Arena y l’Axencia Local de Promoción Económica.
La matrícula va permanecer abierta para tolos cursos hasta’l vienres 27 de setiembre. Puede formalizase al traviés d’internet, al traviés de l’aplicación para móvil igijon y nos caxeros ciudadanos. Quien prefieran matriculase personalmente van poder dir a cualquier oficina d’atención a la ciudadanía. Pa inscribise nos cursos de la UP namá ye precisu ser mayor de 16 años y tener la tarxeta ciudadana. Quien entá nun dispongan d’ella o desconozan el so númberu PIN pueden llograla de forma gratuita en cualesquier de les oficines o solicitala equí.
