La XI edición de los Alcuentros de Músiques Asturianes yá ta en marcha. Perpasaos los diez años d’andadera del ciclu, amuesen nesta entrega nueva una mirada global al calidoscopiu sonoru que nos ufierten les distintes manifestaciones de músiques populares d’anguaño n’Asturies.
La convivencia d’artistes y públicos de distintos perfiles (pop, hip hop, jazz, folk), la presencia d’allugamientos estratéxicos de la cadarma artístico-cultural de la ciudá -qu’arreyen dende’l patrimoniu industrial al espaciu cultural y urbano) y la visión del componente asturianu al traviés de les lletres, los repertorios… ya inclusive’l so posicionamientu a nivel nacional y européu marquen la fueya de ruta d’estos XI Alcuentros de Músiques Asturianes 2023.
Repartíos en 4 díes, tan programaos dos conciertos de Silvia Quesada (6 de xunu) y Mostru l’Horru (7 de xunu) na Ciudadela Celestino Solar de Xixón, un conciertu de Slum Suit nel Centru de Cultura Antiguu Institutu (8 de xunu) y un conciertu de Deira Band na cai Tomás y Valiente (21 de xunu).
