Alto Volto vuelven a la escena musical tres una llarga posa que los llevó, ente otres coses, a camudar d’idioma. Luna Negra, con tolos sos temes en castellán, sigue pola sienda del rock duru, les bateríes potentes y y los riffs poderosos de baxu y guitarra que tanto caractericen a la banda que se dio a conocer en 2005 con Welcome.
Luna Negra ta grabáu en Tutu Estudios con Sergio “Tutu” (The Electric Buffalo, Deltonos) al baxu, coros y producción y con Tony Tamargo (Ilegales, Mota Blues) a la batería. Cuenta col tecláu de Sam Rodríguez y los coros de Sandra Álvarez. Masterizáu por Dani Sevillano en Ovni Estudiu y autoeditáu cola collaboración del programa d’ayudes de la Fundación SGAE, contien once temes coles habituales influencies del rock de principios de los 70, pincelaes de los 90 y un pocu de guitarra acústica.
La formación sigue con Borja García al frente y agora acompáñenlu Diego Motta al baxu y coros y Juan Villamil a la batería. Tres los singles “Atontado”, “Maldita mi suerte”, “Veneno” y “Hey, Hey!”, sale agora l’álbum completu y una nueva tema: “Habitaciones frías”. Esti tema, amás, cuando un videoclip empobináu por un reconocíu autor de vídeos musicales de la escena rock: Titi Muñoz.
Emociones compartíes, vivencies, bones y males fiestes, grandes nueches y duros amaneceres, relaciones apasionaes y relaciones despechadas, la tontuna de les rrss, vida y muerte, esfrutar y sufrir, sentir amor incondicional … y de la lluna negra. D’esto traten los cantares que pueden atopase nel regresu d’Alto Volto a los
escenarios.
