Dempués de trés años ensin noticies, l’ermitañu del pop salió del so covarón con un EP de regresu en forma de vinilu de 10 pulgaes n’edición llindada y con tou un álbum: Polvo De Battiato. Un tercer LP con 10 nueves temes inédites que nos afayen a un Stanich daqué distintu, entá más desacobardáu, a la gueta de siendes inusuales por un territoriu quiciabes más intimista y/o, a la so manera, confesional; entre road movies, aventures surrealistes o intrigantes flashbacks a los años 80 (nos que Stanich apenes naciera), como en Rey Idiota, burlesca reflexón sobro la banalidá del ésitu. Un Stanich 3.0 col inxeniu y la retranca entá más desamarrada.
Polvp De Battiato editóse’l 22 d’ochobre del 2021. A partir d’ende, Ángel Stanich y la so Band empezaron una inagotable xira “Polvo De Battiato Tour”, que los llevó per cientos de rincones posibles de la xeografía española, yá seyan sales, teatros o festivales. N’Asturies, yá tuvieron n’Uviéu y Xixón al entamu y el vienres 17 de payares, van volver a la sala Tribeca Live d’Uviéu pa despidir la xira como se merez.
Les entraes pa ver al ermitañu del pop pueden mercase calcando equí.
