Asturies, dispuesta a acoyer pacientes de coronavirus d’otres comunidaes

El Principáu repite que la so prioridá ye garantizar la cobertoria sanitaria afayadiza a los asturianos

0
610

Asturies ta dispuesta a acoyer a pacientes de coronavirus d’otres comunidaes autónomes si fuera necesariu. Sicasí, el Principáu aclaró que, hasta’l momentu, nun recibió solicitú oficial dalguna. La Conseyería de Salú esplica que trabaya intensamente pa ufiertar la meyor respuesta sanitaria posible a esta enfermedá. «La prioridá ye garantizar l’atención afayadiza a los asturianos, tanto l’actual como la que pueda precisase mientres les selmanes vinientes en función de la evolución de la pandemia», explica nuna nota. Aclaren que cualquier pidimientu que pudiera recibise va evaluase d’alcuerdu con estos criterios. Anguaño, nun hai previsión oficial dalguna de recibir pacientes d’autonomíes vecines.