Emtusa modifica la cabecera de la llínea 30 a la Feria de Muestres

El cambéu prodúzse por cuenta de les obres que se tán realizando n'avenida del Molinón

0
845
Horariu de los autobuses especiales pa la foguera

La Empresa Municipal de Tresportes Urbanos (EMTUSA) modificó la cabecera de la llínea 30, que va pasar a allugase n’avenida Doctor Fleming, frente a la entrada al recintu ferial. El cambéu nesti serviciu hasta la Feria Internacional de Muestres d’Asturies produzse por cuenta de les obres que se tán realizando n’avenida del Molinón.

Coles mesmes va ponese en marcha un serviciu gratuitu d’autobuses llanzadera, que van comunicar el recintu ferial col aparcamientu disuasoriu na escampada de la Facultá de Marina Civil. La frecuencia máxima d’estos autobuses va ser de diez minutos. Van emprestar serviciu de manera ininterrumpida dende les diez de la mañana hasta les diez de la noche. Amás, van ampliar el so percorríu por tol campus universitariu, de manera que van poder recoyer a persones en toles paraes esistentes nel mesmu.