El Gobiernu asturianu concedió anguaño 982.800 euros n’ayudes pal fomentu del trabayu autónomu. En total, beneficiáronse 1.638 persones na convocatoria de la tarifa mista. Esta midida pretende favorecer la creación d’empléu. La Conseyería d’Empléu, Industria y Turismu apurre recursos económicos que faciliten les altes nel réxime especial de los trabayadores por cuenta propia o autónomos y tamién la permanencia nell primer añu d’actividá.
Pa entainar los trámites de la solicitú, amenórguense a dos los documentos que los solicitantes tienen qu’apurrir: ficha d’acreedor y acreditación del pagu de la cuota correspondiente al primer mes d’alta. Ente los beneficiarios d’anguaño hai 825 muyeres, el 50,37% del total. En 2018 concediéronse 1.114 ayudes, por un importe de 668.400 euros, y 550 fueron pa muyeres (49,37%).
