Carles Mulet García, senador de la coalición valenciana Compromís, fexo una visita a l’Academia de la Llingua Asturiana (ALLA), onde foi recibíu pol so presidente Xosé Antón González Riaño y pol académicu Inaciu Galán y González.
A lo llargo de la so estancia na institución, el senador conoció’l llabor de l’Academia de la Llingua Asturiana nestos caberos 40 años, asina como l’allugamientu del asturianu y del eonaviegu dende’l puntu de vista sociolóxicu, xurídicu y alministrativu.
Carles Mulet ye bien conocíu n’Asturies darréu de la so reiterada defensa de la pluralidá cultural n’España, con referencies esplícites a la necesidá del encaxe constitucional de la realidá llingüística asturiana y al encontu a la xera de l’ALLA.
Xosé Antón González Riaño agradeció en nome de la institución el papel del senador na defensa, dignificación y visualización del asturianu nel contestu parllamentariu español.
