El Muséu del Pueblu d’Asturies acaba de recibir la cesión d’un perinteresante conxuntu de fotografíes, na modalidá denominada «cesión d’imaxes» (los propietarios apurren los sos arquivos fotográficos pa la so digitalización y autoricen al muséu a incorporar los archivos dixitales resultantes a les nueses colecciones). Esta cesión realizóla’l conocíu veterinariu xixonés y gran melómanu Luis Ortega Alonso-Villaverde, que ye nietu del fotógrafu. Ello foi posible gracies a la mediación d’una collaboradora del muséu, Inés Díaz Blanco, quien amás realizó la documentación de les fotografíes.
