Ciudadanos pidió na comisión de Movilidá implementar yá la solución ufiertada pola Conceyalía de Movilidá pal carril bici del Puertu Deportivu. La instalación d’una terraza d’hostelería impide a les bicicletes circular pel espaciu acutáu pa estos vehículos. La formación naranxa recuerda que’l conceyal Aurelio Martín comprometióse n’avientu a sacar el carril bici a la carretera suprimiendo un carril de circulación de la cai del Muelle d’Oriente.
El partíu entiende que se trata de «una bona solución provisional» que nun perxudicaría a naide. Sicasí, llamenten la descoordinación ente l’Autoridá Portuaria y el Conceyu de Xixón que fixo posible que la terraza s’instalara sobro’l carril bici. Nuna nota de prensa, Ciudadanos asegura tar a la espera d’un proyectu de reforma de too esti espaciu que de «una solución integral». «Pasaron yá prácticamente dos meses dende aquel anunciu y nun s’implementó esta solución colo que’l carril bici sigue cortáu ante la pasividá del Conceyu».
