El prósimu vienres 24 de xunu a les 20:30 va tener llugar un conciertu solidariu na ilesia de San Isidoro d’Uviéu. El conciertu lleva de títulu «Viaje musical con joyas del pasado», y colabora con CÁRITAS Diocesana d’Uviéu, a favor del proyectu EMERGENCIA UCRANIANA. Nesti conciertu van actuar la mezzosoprano Serena Pérez, la organista Nieves Luengos, Coro Vetusta y, de forma especial, Alena Lobarenko, estudiante ucraniana del Conservatoriu de Música d’Uviéu.
Los asistentes van poder facer les sos aportaciones n’efectivu tres el conciertu o al traviés de Bizum. Nel programa vamos poder esfrutar de la interpretaciones d’estes pieces: Ave María anónimo y Ave María de Vavilov y Caccini; Vedro col mio diletto, de la ópera Il Giardino de Vivaldi; Jesu, meine Freude de Bach; Ombra mai fu, de la ópera Sersei de Händel; Ave Verum de Mozart; Ave Maria de Gounod; Pie Jesu apres un reve de Fauré; Señor, me cansa la vida de García; A Chloris de Hahn; Como la Flor de Torner y Nella Fantasia de Morricone.
Sedrá d’entrada llibre hasta completar aforu.
