La Viceconseyería de Cultura, Política Llingüística y Deporte convocó les ayudes destinaes al espardimientu, estudiu y fomentu del valor del patrimoniu cultural asturianu, qu’anguaño tán dotaes con 100.000 euros, 20.000 más que na pasada edición.
El Boletín Oficial del Principáu d’Asturies (Bopa) publica güei la convocatoria, que’l so plazu de presentación de solicitúes va tar abiertu hasta’l 6 de febreru.
La convocatoria inclúi cuatro llinies específiques de financiamientu, en función del beneficiariu:
- Entidaes ensin ánimu d’arriquecimientu y particulares, pa la puesta en valor del patrimoniu cultural material.
- Empreses, pa la puesta en valor del patrimoniu cultural material.
- Entidaes ensin ánimu d’arriquecimientu y particulares, pa la puesta en valor del patrimoniu cultural inmaterial y arquivos de tradición oral.
- Empreses, pa la puesta en valor del patrimoniu cultural inmaterial y archivos de tradición oral.
Les subvenciones van sofitar acciones de puesta en valor del patrimoniu cultural, tanto material como inmaterial, mesmo qu’actividaes d’asociaciones, fundaciones y entidaes ensin ánimu d’arriquecimientu que la so finalidá seya la defensa y promoción del patrimoniu cultural asturianu. Coles mesmes, tán destinaes al fomentu de la conocencia de los valores culturales por aciu proyectos que favorezan l’aprendizaxe, la promoción y l’espardimientu del patrimoniu ente la ciudadanía.
