Deteníos por robar cable y dexar ensin lluz a delles zones de Tremañes

Tan acusaos d'un presuntu delitu contra la propiedá en sustrayendo cable de delles arquetes

0
177
Policía llocal Xixón
Vehículos de la Policía Llocal de Xixón. / Archivu

La Policía Local detuvo ayeri martes a un home y a una muyer por robar cable de les arquetes y dexar sin lluz a delles zones de Tremañes. Los fechos asocedieron sobre les 13.00 hores nes cais Trinchera y Avenida del Transporte. Un vecín sollertó indicando que viera a unes persones sacando cable. Na llamada indicó’l modelu del vehículu que se taba utilizando pa ello.

El coche foi sosprendíu cuando se disponía a salir del polígonu Mora Garay. Al llegar al altor de la cai Camino de la Iglesia, dos de los ocupantes abandonaron el vehículu. Una muyer, I.D.V. de 49 años y vecina de Siero, quedó nel interior. Los axentes de la Policía Local detuviéronla y a unu de los varones fuxíos, R.L.V. de 48 años d’edá y vecín de Xixón. Amás, investígase la identificación del terceru.

Nel interior del vehículu portaben diversa ferramienta como alicantes, barra d’uña y un polímetro. Polo menos dieciocho arquetes fueren manipoliaes pa sustraer cable. Por esti motivu, delles zones del barriu de Tremañes quedáronse temporalmente ensin lluz.