Diego Solís ta acabante d’anunciar la nueva campaña de micromecenalgu pa sacer alantre’l so nuevu proyectu, que lleva por nome «Volvemos en 6 minutos». Esti proyectu, qu’axunta ilustración, diseñu gráficu, trabayu audiovisual y poesía tanto recitada como escrita, puede sofitase al traviés de la plataforma de crowdfunding Verkami
‘Volvemos en 6 minutos’ ye un llibru de poemes que s’inspira na publicidá, les redes sociales y el cine o la música pop. Nel llibru cada poema va llevar asociáu un códigu QR onde les composiciones poétiques van poder sentise recitaes pol autor. Amás cunta coles ilustraciones de la diseñadora gráfica Ines H. qu’acompañen estos poemes y distintos productos que van de camisetes o tote bags a taces o llámines que formen parte del propiu proyectu tanto como la propia poesía.
Pa sofitar esti proyectu y algamar que salga alantre fai falta acutar cualquiera de los productos al traviés de la plataforma Verkami. Toes elles inclúin apaecer nos agradecimientos del llibru una vez s’asoleye. Y nel casu de los pidíos del llibru en formatu físicu, toos ellos dirán firmaos y dedicaos pol autor y creador d’esti proyectu innovador pa la lliteratura asturiana.
Puede accedese al mesmu nesti enllaz: https://vkm.is/6min
