Duro Felguera tresllada la so sede de Madrid a Xixón

L'actividá de les oficines en Madrid treslladarase a la sede social nel Parque Tecnolóxicu

0
883

Duro Felguera tresllada la so sede de Madrid a Xixón. Según informa ‘Expansión’, la compañía yá comunicó a los sos emplegaos la decisión de pesllar les oficines centrales asitiaes na capital d’España. La so actividá treslladarase a la sede central del Parque Científicu Tecnolóxicu de la Xixón.

Esta decisión afecta a más d’un centenar de trabayadores. El treslláu de les oficines de Madrid a Xixón enmárcase dientro d’un procesu d’aforru de costos. La inxeniería asturiana vien atravesando dellos problemes económicos. L’añu pasáu la compañía vióse obligada a vender la so sede corporativa y un edificiu d’oficines en Las Rozas a la firma británica Signal Capital. Una operación con un valor que s’estima nunos 30 millones d’euros.