El xuzgáu de lo Contencioso-Alministrativo númberu 1 de Xixón concedió ayeri la execución provisional de la sentencia qu’ordena la restitución del tráficu en doble sentíu de El Muro si StopMuro paga un aval de 48000€.
El proyectu de «El cascayu» proponía, ente otres coses, plataforma única, más ancho d’aceres, carril bici, zones estanciales, espaciu con xuegos pa la reciella y un carril con namás qu’un vial de serviciu con sentíu únicu. El proyectu pretendía algamar la renaturalización y meyora del espaciu públicu de Xixón, asina como amenorgar la contaminación de la ciudá, que diba n’aumentu nos caberos años, sobremanera na zona más costera. Sicasí, esti proyectu enxamás nun tuvo esentu de polémica, destacando la asociación de «StopMuro», que consiguió que la polémica nun cesare mientres los caberos años.
Magar d’esto, l’aplicación de la sentencia nun ye inmediata, y el conceyu anunciare yá que cabe recursu y espresó la so intención d’acudir al TSXPA.
