La comisión permanente del Conseyu de Patrimoniu Cultural d’Asturies autorizó güei nueves intervenciones arqueolóxiques nel castru de Villacondide, asitiáu nel conceyu de Cuaña y dio lluz verde’l treslláu de dellos horros dientro de la comunidá autónoma.
L’autorización pal castru de Villacondide va dexar que les intervenciones sigan en 2024.Los trabayos van centrase nel sector oriental de la muralla defensiva del pobláu.
Los cambeos d’allugamientu d’horros y paneres autorícense siempres que se xustifique que’l cambéu busca caltener los bienes etnográficos y que’l llugar de destín propuestu tea amestáu a una vivienda o esplotación agrícola.
El procedimientu pa solicitar el treslláu d’un horru ta regláu y pasa por realizar un pidimientu al conceyu de destín del bien, que tendrá d’emitir un informe nel que constate la viabilidá urbanística de la operación. De la mesma, tendrá de cuntase con un informe del conceyu de procedencia. Sobre esa documentación, emite’l so resolvimientu’l Conseyu de Patrimoniu Cultural d’Asturies.
