El Conceyu de Xixón empecipia les obres p’habilitar un aparcamientu en Montiana con 96 places, trés d’elles reservaes a persones con movilidá amenorgada.
La Sección de Brigaes redactó’l proyectu y va encargase de la dirección d’obra, a executar con personal procedente del Plan d’Empléu Municipal. va utilizase formigón de firme combináu con celosía de formigón prefabricada y van instalase sistemes de plantación Estocolmo, favoreciendo asina la permeabilidá urbana y la meyora de la crecedera del arboláu urbano.
El conceyal de Distritu Rural, Ramón Tuero, y el conceyal d’Empléu, Santos Tejón, presentaron el pasáu vienres l’empiezu de los trabayos, que la so duración total ye de 3 meses. La primer actuación va desendolcase hasta principios de xunu y va dexar crear 60 places d’aparcamientu. Los trabayos van retomase para habilitar les 36 places restantes n’una segunda actuación tres les fiestes de la parroquia de Fresnu, que se van celebrase nesta parcela.
El presupuestu de la obra cífrase en 99.300 euros.
