El Gobiernu Municipal va convocar la xunta del Conseyu Social de Xixón el próximu xueves, 1 d’ochobre. Esti espaciu va sirvir d’espaciu d’alderique y participación sobro’l futuru del paséu d’El Muro. Con esti oxetivu, l’equipu de Gobiernu local va llevar a esta xunta una propuesta concreta, que consiste na creación d’una comisión de trabayu, posibilidá recoyida nel artículu 21 del Reglamentu Orgánicu de Funcionamientu del máximu organismu consultivu de la ciudá, pa encetar esti alderique.
Nesta comisión que, según recueye la propuesta del equipu de Gobiernu, va tar presidida por una entidá o persona independiente. Amás, n’él van tar representaos tamién otros colectivos y organizaciones que nun participen nel Conseyu Social, como’l Colexu d’Arquiteutos o’l Foru de la Movilidá.
