Tres once ediciones y con unos espectaculares númberos nel primer día d’entraes a la venta, el públicu ratifica qu’espera Metrópoli con munches ganes. Unu de los platos fuertes del festival ta nos sos escenarios y, como nos tien avezaos, esta edición vien cargada de grupos para tolos gustos. Los Chichos, Marlon, Funzo & Baby Loud, Ojete Calor o Rulo y la Contrabanda, ente otros, completen el festival multidisciplinar que se va celebrar del 28 de xunu al 7 de xunetu nel Recintu Ferial Luis Adaro.
A la música suma la cita ineludible de la Comic Con, del 4 al 7 de xunetu, ye l’alcuentru más esperáu pa los fans del cómic, el cine, les series, cosplay y anime, ente otres munches coses. Amás, vamos viaxar nel tiempu coles esposiciones de RetroGames y Barbie, 65 años d’hestoria by Chicle de Fresa y vamos esfrutar con Marvel VS DC, la mayor colección d’Europa que xune dambos universos. La Tattoo Expo, les charres de Metropolitanes, les zones infantil y de foodtrukcs o la Comic Dog completen un cartelu -del que nun se desveló tol so conteníu- nel que la diversión pa tol mundu ta asegurada.
El preciu de venta al públicu de les entraes de día ye de 7€, l’abonu pa los diez díes va costar 49,90€ y l’abonu de la Comic Con 21€.
