L’Axencia Asturiana de Cooperación al Desenvolvimientu, Casa África, el Conceyu de Xixón y el Muséu Barjola, al traviés de la Dirección Xeneral de Cultura y Patrimoniu, entamen la esposición Mujeres del Congo. El camino a la esperanza,que se va inaugurase mañana, a les 19:30 hores, nel equipamientu xixonés. L’amuesa va poder visitase hasta’l 13 de payares, de martes a sábadu, n’horariu de 11:30 a 13:30 y de 17:00 a 20:00 hores. Los domingos y festivos va tar abierta al públicu de 12:00 a 14:00 hores.
Mujeres del Congo naz de la collaboración ente les fotógrafes españoles Isabel Muñoz y Concha Casajús y la periodista congoleña Caddy Adzuba, gracies a que’l so sofitu y protección pudieron desenvolver los sos proyectos fotográficos sobro les muyeres de la República Democrática del Congo (RDC), coles que Adzuba trabaya a diariu.
La esposición axunta hestories de muyeres que consiguieron sobrevivir, lliberar dende’l sufrimientu y salir alantre con dignidá. Tamién convida a cavilgar sobro la llucha contra la violencia sexual exercida contra muyeres y les neñes. Según fontes de Naciones Xuníes, na República Democrática del Congo, unu de los países prioritarios para Asturies nel ámbitu de la cooperación al desenvolvimientu, se documentaron 1.016 casos de violencia sexual rellacionada con conflictos armaos en 2021, de los cualos 544 afectaron a muyeres y 459, a neñes.
Na inauguración de l’amuesa van participar la directora de l’Axencia Asturiana de Cooperación al Desenvolvimientu, Beatriz Coto; el director xeneral de Cultura y Patrimoniu, Pablo Llión; el director xeneral de Mocedá Diversidá Sexual y Derechos LGTBI, Marcos Torre; la concejala de Cooperación al Desenvolvimientu y Salú Animal del Conceyu de Xixón, Carmen Saras, y el director xeneral de Casa África, José Segura.
