La Conseyería de Derechos Sociales y el Muséu de Belles Artes d’Asturies van averar el conteníu de la pinacoteca, al traviés de delles actividaes, a los usuarios de los centros sociales de persones mayores y de los centros de sofitu a la integración (CAI). La conseyera Melania Álvarez, y el director del Muséu de Belles d’Asturies, Alfonso Palacio, presentaron güei el programa Tendiendo Pontes en compañía del director xeneral de Servicios Sociales y Mayores, Enrique Rodríguez; y la responsable del departamentu d’Educación del muséu, Cristina Heredia.
La propuesta de collaboración de Derechos Sociales foi aceptada dende l’entamu polos directivu del muséu pa facer del Belles Artes un espaciu accesible ya inclusivu que fomente l’accesu a la cultura de persones que, poles sos circunstancies vitales, nun visiten el muséu o lu perciben como un llugar nel que nun se sienten representaes.
La primer edición del programa va desenvolver de setiembre a avientu. Ta prevista la participación de diez centros sociales de mayores y cuatro CAIS que sumen 500 usuarios. L’oxetivu ye que, de forma paulatina, la iniciativa estendiéndose al restu d’estos equipamientos, con 90.000 asociaos en total nel casu de los primeres y de 1.300 per parte de los centros de sofitu a la integración, públicos y alcordaos.
El director del muséu va recibir a les persones procedentes de los centros de mayores, que van realizar dempués una visita empuesta diseñada espresamente pa ellos pol Departamentu d’Educación del espaciu museísticu.
Per otra parte, va ser l’equipu del Belles Artes el que se tresllade a los CAIS a impartir una serie de sesiones de calter didácticu y a ufiertar a los usuarios toles ferramientes posibles pa que puedan facer espardimientu del muséu énte’l restu de la sociedá.
Los diez centros sociales de persones mayores que van participar na primer edición del programa son los siguientes: El Llano, Xixón Centro, Arbeyal, Mieres, Pumarín, Cuadonga, La Lluz, Turón, La Pola L.lena y Moreda. Pela so parte, los cuatro primeros CAIS que van participar nesta actividá son La Unión, Arcu Iris, Naranco y Cabueñes.
