Con motivu del Día Internacional de la Muyer, dende güei’l Muséu del Pueblu d’Asturies espón, nel recintu esterior, una amuesa d’once fotografies y cartelos rellacionaos coles muyeres trabayadores y el movimientu feminista n’Asturies.
Les fotografíes son de fotógrafos profesionales, como Julio Peinado, Valentín Vega y José Muñiz; otres son de Julio León Costales; l’antropóloga María Cátedra y el fotoperiodista José Vallina (fondu de La Voz d’Asturies).
Los cartelos vienen de los archivos donaos al muséu nos últimos años pol Movimientu Comunista d’Asturies, la Imprenta Mercantil, Francisco J. García Valledor y Asunción García-Prendes.
