El Muséu Etnográficu del Oriente d’Asturies y ASAPE (Asociación Asturiana d’Antropoloxía y
Patrimoniu Etnolóxicu) entamen esti sábadu 5 de payares de 2022, de 12:00 a 18:00 hores, unes xornaes sobre Patrimoniu Incómodu, términu utilizáu pa nomar llugares que representen el sufrimientu venceyáu a la represión, la persecución, la reclusión forzosa o la guerra.

La xornada foi diseñada al rdoiu d’un cercu funerariu d’un milicianu asturianu donada al Muséu Etnográficu del Oriente d’Asturies, y va encetar, ente otres cuestiones, qué faer y cómo tratar esti tipu de patrimoniu acomuñáu cola memoria del pasáu traumáticu, y del qu’un exemplu ye la llábana de los alemanes del Altu de La Tornería (Llanes). Especialistes como Rubén Vega, Cristina Cantero Fernández o José Luis Villaverde Amieva van dar charres sobre’l tema.