Una selmana más, la iniciativa XixónTours, organizada pol portal de turismu VerAsturies, ufierta una nueva visita guiada pa conocer la ciudá d’una forma distinta. Una iniciativa que naz pa dar a conocer la ciudá de Xixón a los mesmos habitantes del conceyu y a los asturianos y asturianes en xeneral, asina como a cualesquier persona que, viniendo d’otros llugares, quiera averase a conocer distintos aspectos sintiendo esta visita n’asturianu que lleva yá dellos años en funcionamientu.
El prósimu sábadu 14 a las 19:30 hores va tener llugar la ruta Muyeres na hestoria de Xixón, una visita na qu’aflora la figura de la muyer, siempres escaecida na hestoria. Mientres el tour va falase de muyeres importantes na hestoria de la ciudá, como Xosefa Xovellanos, Aurora Sánchez, Corín Tellado, María González La Pondala, Concha Mori, Pepa Osorio, María Teresa González… ensin escaecer a los colectivos de muyeres anónimes que tanto marcaren el carácter de esta villa, como les cigarreres, les pescaderes…y les tradiciones como la de Les Comadres, falando del papel de la muyer na sociedá, dende la falta de visibilidá hasta llegar a contar con alcaldesas.
La visita diseñóla’l fondu conocedor de la hestoria de Xixón, Daniel García de la Cuesta, que participa na guía. La salida del tour sedrá en “La Escalerona”.
TARIFES:
- Mayores de 18 años: 10 €
- Menores (de 13 a 18 años): 8 €
- Niños (de 0 a 12 años): de baldre
*El pagu va realizase minutos enantes d’entamar el tour.
Pa reservar plaza, pues facelo al traviés d’esti enllaz: https://docs.google.com/forms/d/e/1FAIpQLSc2IDooee1UbjNoBoZvmKVGE136dkbxSwcocEFCl4gb2Xf-yQ/viewform
