Los 850 nuevos paraos que dexa’l mes d’ochobre n’Asturies ponen de manifiestu la situación que traviesa’l mercáu llaboral nel Principáu. “Si sumemos la cifra de paraos del mes d’ochobre a les de los dos meses precedentes, 3.933 trabayadores perdieron el so empléu nel últimu trimestre. Y Asturies nun puede dexase siguir destruyendo empléu mes a mes yá que, el débil mercáu llaboral que tenemos nun ta preparáu para siguir faciéndolo”, apunta Miguel Rivero, coordinador xeneral de USO-Asturies.
Con esta xubida del paru n’ochobre, del 1,38 %, Asturies conviértese na tercer comunidá con mayor destrucción d’empléu, solo superada pola Comunidad Valenciana (3.050 paraos más) y Castiella y Llión (1.756). Y tamién, mientres esti mes, la contratación baxó un 3,90 % con al respective de setiembre y un 26 % si comparar col mesmu mes de 2021.
