La Xunta Rectora del Patronatu Deportivu Municipal del Conceyu de Xixón, celebrada ayeri na Antigua Escuela de Comerciu, aprobó por unanimidá la concesión de 12.000 euros n’ayudes a mozos deportistes xixoneses para la temporada 2020/2021.
Trátase d’una convocatoria pública en réxime de concurrencia competitiva que la so cuantía global se financia con cargu a l’aplicación al vixente Presupuestu de Gastos, gracies a la cual van beneficiase 19 deportistes con una ayuda individual d’hasta 780 euros pa la práctica de disciplines como’l surf, el patinaxe, la natación, l’atletismu, les lluches olímpiques, la hípica, el piragüismu, l’halterofilia o la ximnasia.
L’oxetivu ye sofitar y promocionar l’actividá deportiva de mozos federaos con llicencia a valir d’ente 16 y 23 años que nun perciban retribuciones económiques pola so actividá, que pertenezan a entidaes deportives del conceyu y que destacaren pola so participación y llogros deportivos en competiciones oficiales nacionales o internacionales celebraes del 1 d’ochobre de 2020 al 30 de setiembre de 2021.
Per otru llau, aprobóse por unanimidá la organización de los Xuegos Deportivos y de Deporte Afechu del Principáu d’Asturies na so fase local pal cursu 2021-2022 con un presupuestu máximu de 103.250 euros. El Patronatu Deportivu Municipal xúntase d’esta miente en ‘cabecera de Contorna’ na estructura territorial establecida pola Dirección Xeneral de Deporte del Principáu, quien va subvencionar parcialmente los gastos sufragaos nel desenvolvimientu de les pruebes de les distintes modalidaes deportives.
