Una plaga nueva espárdese dende 2017 nes palmeres de la costa centru asturiana, de
Gozón a Ribeseya. Anque tamién introducióse n’Uviéu. Trátase del picudu colloráu (Rhynchophorus ferrugineus).
Esti coleópteru d’orixe asiáticu, espadióse pel tresporte humanu a África onde ye l’escarabayu que más se xinta, América y sur d’Europa, que provoca la muerte de les
palmeres. Les sos femes ponen unos 350 güevos de media que se desendolquen de 3 a 4 meses, o seya trés xeneraciones añales. Como vive y xinta nel interior de les palmeres son
difíciles d’atopar.
Tres dellos intentos d’aparar la plaga, acabóse col emplegu la tronza por seguridá y pa
torgar el so espardimientu. Les midíes finales foron no que cinca a la fradadura. Que produz sustancies químiques y arumes qu’atrain al picudu colloráu y pues infestar a la palmera fradada.
Poro, encamiéntase facer les mínimes intervenciones, nun tarazar material verde, solo ensuchu y nun facelo n’epoques de máxima actividá del inseutu: branu y seronda. Amás hai de pulverizar con repelentes y productos fitosanitarios tres les intervenciones feches.
O per aciu d’enemigos naturales de los cocos, como parásitos patóxenos, bacteries, fongos y nemátodos.
Una plaga más de la globalización y el descontrol de les importaciones feches ensin control biolóxicu. Como la qu’asocedió coles palmeres d’Exiptu nes que vieno’l picudu colloráu al
mediterraneu español. Qu’agora alcuéntrase nel cantábricu.
