El Gobiernu d’Asturies convida a toles empreses emerxentes de la comunidá a participar na quinta edición del proyectu Ances Open Innovation, un ambiciosu programa d’innovación nacional pol qu’once grandes compañíes busquen startups pa resolver los sos retos tecnolóxicos. El plazu para presentar propuestes a los retos de les firmes tractoras va permanecer abiertu hasta’l 18 de marzu y les inscripciones pueden formalizase na web.
Aceites Maeva, BSH Electrodomésticos, Cantabria Labs, Capital Energy, GSP Grup de Sanejament Porcí, Indertec Simetría, Mapfre, Mundiplan, PC Componentes y Soltec Innovations son les compañíes tractoras, toes elles referentes nos sos ámbitos, que dende güei tán a la espera de candidatures. Tres un procesu de selección, van escoyer a el ganadores nun actu que va tener llugar el 19 de mayu en Madrid.
Capital Energy Quantum ye la empresa propuesta dende’l Centru Européu d’Empreses ya Innovación (CEEI) Asturies al programa. La compañía llanza un retu que se basa n’incorporar soluciones tecnolóxiques y de digitalización aplicaes a la industria 4.0, operación y caltenimientu d’enerxía eólica y sector fotovoltaico.
Esta compañía, nacida va dos décades coles mires de convertise nel primer operador 100% anovable verticalmente integráu de la península ibérica, ta firmemente comprometida con Asturies, onde sofita al texíu entamador al traviés de la so participación na IV edición del Programa Open Innovation 4.0, y dispon d’una trentena de proyectos eólicos, el primeru de los cualos, Buseco (50 MW), ta a puntu de ponese en marcha.
Caúna de les nueves empreses innovadores que’l so retu resulte ganador va recibir un premiu de 500 euros y la posibilidá de caltener la relación cola firma tractora.
Coordinación del Centru Européu d’Empreses ya Innovación
Open Ances Innovation consolidóse coles sos cuatro ediciones como un programa de referencia n’innovación abierta n’España. “Hasta’l momentu, más de 40 tractoras presentaron yá 400 retos. Estableciéronse relaciones bien interesantes ente empreses consolidaes y startups que constitúin auténticos casos d’ésitu”, afirma Cristina Fanjul, coordinadora del programa, vicepresidenta de Ances y directora del Centru Européu d’Empreses ya Innovación (CEEI) d’Asturies.
El CEEI ye’l principal preséu del Gobiernu d’Asturies pa sofitar el emprendimiento innovador. El centru acompaña a nueves empreses nel so procesu de crecedera y favorez contactos ente elles y axentes esternos o compañíes tractoras. Un exemplu d’esta fórmula de trabayu son los programes rexonales Open Innovation 4.0, que se desenvuelven so la coordinación del Institutu de Desenvolvimientu Económicu del Principáu (Idepa) y que recibieron premios nacionales ya internacionales. La esperiencia con estes iniciatives resultó clave pa impulsar el proyectu Ances Open Innovation.
