El Gobiernu d’Asturies refuerza’l so compromisu cola inclusión llaboral cola firma d’un tercer conveniu pa emplear a percepetores del salariu social. La Conseyería de Derechos Sociales y Bienestar va suscribir prósimamente un alcuerdu con empreses del sector de los cuidados domiciliarios a persones mayores, col finde que quienes perciben la renta básica autonómica puedan trabayar nesti sector.

El departamentu qu’encabeza Melania Álvarez yá rubricó esti añu dos convenios orientaos a facilitar la inserción llaboral de les persones que cobren el salariu social: unu cola Fundación Llaboral de la Construcción y otru col Grupu Tragsa. Mientres la so comparecencia na Xunta Xeneral, la titular de Derechos Sociales esplicó que’l tercer conveniu s’enmarca nel programa tresversal ImpulSAD, diseñao p’ameyorar la calidá asistencial del serviciu d’atención domiciliaria.

«Unu de los oxetivos prioritarios de la conseyería ye promover la incroporación social y llaboral de los perceptores del salariu social básicu pa llograr la consecución de los fines establecíos na llei que regula esta renta mínima. Tamién pretendemos impulsar la incorporación d’estes persones al mercáu de trabayu pa que puedan desenvolver el so proyectu vital con autonomía», manifestó la conseyera.

Melania Álvarez tamién se refirió al ingresu mínimu vital, la renta estatal aprobada en xunetu de 2020. Na última nómina, 9751 persones cobraron esta prestación n’Asturies. En total, nel Principáu hai anguaño 22456 titulares de rentes mínimes: 3294 tienen reconocío l’ingresu mínimu, 6426 cobren el salariu social y l’ingresu mínimu vital y 12736 perciben la renta básica autonómica.

 En total, en el Principado hay actualmente 22.456 titulares de rentas mínimas: 3.294 tienen reconocido el ingreso mínimo, 6.426 cobran el salario social y el ingreso mínimo vital y 12.736 perciben la renta básica autonómica.