Los nueve circuitos culturales del programa Asturies, Cultura en Rede van ufiertar hasta avientu 515 actividaes por tola comunidá. La Conseyería de Cultura, Política Llingüística y Turismu invierte 959.000 euros para financiar na segunda metá del añu una axenda cultural multidisciplinar que pueda llegar a los distintos conceyos.
Esta iniciativa ufierta propuestes d’artes escénica, música, lliteratura, cultura tradicional, artes visuales, Xacobéu, Covadonga 2022 – Camín de los Santuarios, el ciclu Autores nel Camín y la Cinemateca Ambulante. El programa desenvolver en collaboración colos conceyos y xestiónase dende la Sociedá Pública de Xestión y Promoción Turística y Cultural del Principáu.
Les cifres d’actividaes y presupuestu de cada circuitu pal segundu semestre del añu son les siguientes:
- Circuitu d’artes escéniques: 167 eventos de 53 compañíes en 42 conceyos, con una inversión cimera a los 382.000 euros.
- Circuitu de música: 78 conciertos de 36 profesionales y empreses en 36 conceyos, con un presupuestu cimeru a los 185.000 euros.
- Circuitu de lliteratura: 99 eventos de 36 profesionales en 32 conceyos, a los que se destinen más de 59.000 euros.
- Circuitu de cultura tradicional: 81 eventos de 24 profesionales en 31 conceyos, con una inversión de más de 74.000 euros.
- Circuitu d’artes visuales: 11 artistes y galeríes, escoyíos nes dos últimes convocatories, van esponer 16 amueses en 10 conceyos hasta final d’añu. Na convocatoria d’anguaño escoyéronse 14 proyectos de 14 creadores y galeríes que se van producir en 2022 y van esibise el próximu añu, con un costu de más de 85.000 euros.
- Circuitu Xacobéu: 39 eventos de 25 profesionales en 19 conceyos, con una inversión cercana a los 90.000 euros.
- Circuitu de Cuadonga/Covadonga 2022-Camín de los Santuarios dolce eventos de nueve profesionales y empreses en cinco conceyos, con una inversión de más de 20.000 euros.
- Circuitu Autores nel Camín: 23 alcuentros en 18 conceyos con ceadores y artistes asturianos galardonaos colos premios lliterariu y escénicu convocaos o promovidos pola Conseyería de Cultura, Política Llingüística y Turismu. El circuitu cunta con un presupuestu añal de 50.000 euros.
A esta programación sumaráse’l ciclu de cine itinerante La Cinemateca Ambulante, con programación trimestral d’ochobre a avientu y una inversión prevista de más de 14.000 euros.
Les actividaes de los distintos circuitos pueden consultase na web www.asturiesculturaenrede.es, onde yá ta disponible’l conteníu.
