El llunes 30 de payares van empezar los trabayos de meyora del pasu a nivel allugáu nel puntu kilométricu 4/023 de la llínea Sotiel.lo-Puertu d’El Musel, perteneciente a la Rede d’anchu Métricu de ADIF, dientro de la Rede Ferroviaria d’Interés Xeneral.
Trátase d’un pasu a nivel automatizado, con protección mediantes semibarreras, soñería y señalización lluminosa a la carretera que la traviesa, la vía que va de Veriña a Monteana, per Puao.
Los trabayos, programaos por ADIF, van desenvolver hasta’l cinco d’avientu y van consistir na demolición del firme esistente; sanio de la plataforma ferroviaria, balastu y materiales de vía; nivelación de la vía y reposición d’asfaltáu.
L’oxetivu d’estos trabayos, que se van acometer pela nueche, ye garantizar unes condiciones fayadices de circulación, tantu ferroviaria como per carretera, na zona.
Los cortes de tráficu van ser parciales, ente los díes 30 de payares al 2 d’avientu. Ente que la nueche del 4 al 5 va haber un corte total de cuatro hores de duración, mientres los cualos va realizase la entrada y salida a Puao y Monteana, pola AS-326 (Lloreda).
Van colocase cartelos informativos tantu en Monteana como en Puao, y tamién al altor de la rotonda de Veriña.
