Dende marzu de 2021, efectuáronse nel conceyu de Xixón un control selectivu de xabariles por aciu caza con arcu en zones de seguridá, amparaos nun Resolvimientu de la Conseyería de Mediu Rural y un conveniu pa tal efectu per parte del Conceyu de Xixón y el club deportivu Arqueros de Villaviciosa.
Foi anovándose añalmente, hasta l’actualidá, pero dende va dos selmanes, el club Arqueros de Villaviciosa paralizó dichu Control. Ye inalmitible. El nuevu Gobiernu municipal del Conceyu de Xixón, nun dio respuestes a cuestiones elementales, como ye la comunicación ente dambes entidaes y dalguna otra cuestión, en concencia, menor.
Esiste non solo en Xixón, sinón en toa Asturies una superpoblación esaxerada de xabariles. Según el Conseyu de Rexonal de Caza, qu’amplió les batíes de caza, hai más de 48.000 esti 2023. Siendo asina, que les captures y los visionados nes cámares de fototrampéu amuesen una población bien cimera (delles vegaes) a la envalorada nun principiu, yá de por sí bien alta. En Xixón, como datu, en 20 km cuadraos na zona sur/este, solo 300 ellí ablayáronse. Esta superpoblación acarreta:
- Daños a l’agricultura.
- Daño zones verdes y comunes tantu quitaes como pública.
- Accidentes de tráficu.
- Ataques a animales y a persones. Escasos pero van a más onde nun tán controlando la especie.
- Enfermedaes per superpoblación.
En Xixón, en 2021, la conceyalía del Distritu Rural y el club, escoyeron esta forma de control, cenciellamente, por ser la menos mala de les opciones REALES disponibles pa controlar la especie. Dar muerte a un animal tien de ser siempres la postrera de les opciones a escoyer, pero por esperiencies n’otres rexones y países, púnxose de manifiestu la nula resultancia d’alternatives como la esterilización de les femes. Tampoco puede plantegase la captura de los animales vivos pa treslladalos a rexones onde nun abonde esta especie, porque yá resulten una plaga en casi toles comunidaes autónomes. Son innumberables los estudios al respeutu qu’apuesten como única salida a esti problema la eliminación d’un gran númberu d’exemplares.
Dende’l PSOE de Xixón treslladen que «ye la única opción eficaz disponible agora mesmo. Esti métodu d’intervención va acarretar, amás d’un amenorgamientu nel númberu d’exemplares, un cambéu nel comportamientu de la especie, menguando en gran midida les incursiones escontra les zones poblaes, y va faer que los animales tiendan a evitar la proximidá coles persones.»
