El PSOE de Xixón presentó un recursu de reposición contra la decisión de l’alcaldesa de Xixón, Carmen Moriyón, de nun permitir les entrugues de la oposición sobre la so condena pol Tribunal de Cuentes pol usu indebíu de fondos públicos. “Buscamos evitar una involución que nun merecen los xixoneses”, espliquen.
Los socialistes xixoneses afirmen que “naide taba na semeya de Colón por casualidá”, recordando la presencia de la presidenta de Foro xunto a VOX (partíu qu’en 2015 pidió’l votu por Moriyón) na movilización de 2019 en Madrid. “L’alcaldesa de Xixón, col so comportamientu, decidió paecese más a Jesús Gil o Julián Múñoz, qu’a referentes del municipalismu como Tini Areces o Paz Fernández Felgueroso”.
Sobre les torgues puestes por Moriyón a les entrugues de la oposición, la vocera socialista esplicó, “Vivimos esto con una alta esmolición, y como lo que ye, una situación inédita, desconocida hasta la fecha, pero non solo nesti ayuntamientu, en tolos ayuntamientos democráticos d’esti país”.
