El PSOE va llevar a la próxima Comisión d’Urbanismu y Mediu Ambiente la necesidá urxente d’actuar pa controlar les distintes plagues. La concejala del Grupu Municipal Socialista, Mará Caunedo, sollertó en rueda de prensa les distintes protestes vecinales sobro esta problemática y, por ello, va esixir al gobiernu local la execución d’un plan especial que dea respuesta de forma rápida y coordinada.
Caunedo denunció los crecientes ataques de gaviluetes, la proliferación d’aguarones y la presencia de xabarils en zones tanto rurales como urbanes. Tamién esplicó que l’aumentu de niales de palombos y gaviluetes n’edificios públicos y privaos provoca’l deterioru de los mesmos. “Toes estes especies son reservorios de munches enfermedaes bien nocives pa la salú, como son la tuberculosis o la salmonelosis. La so presencia desafranada supón un riesgu pa la salú pública y la seguridá de les vecines y vecinos”, asegura la conceyala.
Pa los socialistes, esta situación demuestra l’abandonu al que l’equipu de Carmen Moriyón tien sometíu al conceyu y ye un exemplu más del so inacción y dexadez. “Nel Conseyu Sectorial de Salú Animal, col so presidente al frente, el conceyal de Mediu Ambiente, Rodrigo Pintueles, reconocieron precisamente l’eleváu númberu de denuncies d’ataques de gaviluetes, almitiendo la so incapacidá pa poner en marcha soluciones. Los colexos tamién tuvieron que tomar midíes y l’alumnáu tien qu’evitar tomar el tentempié nel patiu y facelo nes aules. ¿A qué ta esperando’l conceyal pa tomar midíes?”, conclúi María Caunedo.
