Esti vienres arranca’l Tsunami en Xixón y mientres tola fin de selmana’l Parque de los Hermanos Castro va acoyer los conciertos del festival qu’esti añu añeden un día más a la so programación. El festival va cerrar con Scorpions, celebrando’l 40 aniversariu de «Love At First Sting», xunto con Phil Campbell and the Bastard Sons. Antes, Bad Religion, Yungblud, Royal Blood y Descendents encabecen un cartelu impresionante qu’inclúi a Enter Shikari, Nova Twins, The Last Internationale, y Bad Nerves.
La escena estatal va tar representada por Arde Bogotá, Biznaga, Miniño, Antifan, Ukelele
Joe & sus Hula Shakers y Catalina Grande Piñón Pequeño. Amás, va haber conciertos gratuitos nel Skatepark de Cimadevilla el sábadu 20 de xunetu.
Dientro del recintu, los asistentes van poder esfrutar del Tsunami Garden, con variedá de FoodTrucks. Les entraes tán disponibles na web del festival, y los horarios de los conciertos yá pueden consultase.
Otru añu más VibraMahou, la plataforma de música de Mahou Cinco Estrellas, va tar presente nel escenariu principal, que lleva’l so nome y onde se van poder los conciertos más esperaos de la xornada. La plataforma de música Mahou Cinco Estrellas vuelve a reforzar el so compromisu cola música en vivu y con Asturies.
