Güei, a les 12 hores de la mañana, presentóse na Casa de Cultura de Candás el Reguerada Fest, un festival de cultura n’asturianu qu’axunta a creadores de toles disciplines (pintores, performers, escritores, músicos y actores), asina como al mundu de la empresa y la comunicación. El festival, qu’entama esti vienres 4 y va allargase hasta’l domingu 6 de payares, cunta con delles propuestes culturales pa tolos públicos: conferencies, talleres, charres, conciertos… Too ello nunes xornaes col envís d’esfrutar de la cultura asturiana.
Estes xornaes van tener la presencia d’artistes como L-R, Velcro o Ramses y autores como Paco Álvarez, Ruma Barbero o Carlos Alba Cellero van ufrir delles charres y talleres a lo llargo d’estos trés díes de festival de cultura asturiana. Amás d’esto, delles empreses qu’usen l’asturianu como llingua vehicular van tar presentes nestes xornaes con mercaos o conferencies.
