Nel branu de 1996, col calor del escaecíu sur de Cantabria, ye la rutina como desolador panorama lo que provoca que se cree La Fuga. La banda cántabra, con mas de 20 años de trayectoria, llega a Xixón cola so xira del añu 2024. Rock curtíu en mil batalles con lletres escrites a manera de terapia, prescribe l’actitú infrayable de La Fuga.
Magar de nun sacar un trabayu nuevu, una de les meyores bandes de rock del panorama entra en 2024 nuna xira nueva na que van repasar los meyores cantares de la so trayectoria, poniendo a baillar a un públicu que cunta con fieles seguidores y otros tantos que s’averen a la so música por primer vez.
La Sala Acapulco va ser el llugar onde los músicos van abellugase p’amosar la so fuercia y la bayura de la so música y va ser el viniente vienres, 2 de febreru, magar de les 19:30 hores, momentu nel que se van abrir les puertes d’una de les sales pela que pasen dalgunos de los meyores grupos del panorama nacional ya internacional. Les entraes tan disponibles calcando nesti enllaz a un preciu de 18 euros. Sicasí, en casu de nun escosase, van poder mercase na taquilla el mesmu día del conciertu.
