El Serviciu Públicu d’Empléu del Principáu d’Asturies (Sepepa) recupera l’atención presencial na so rede d’oficines. L’atención a la ciudadanía llindose a medios telemáticos y telefónicos nos postreros trés meses pola crisis sanitaria. Dende la declaración del estáu d’alarma, el serviciu anovó de manera automática les demandes d’oficiu y va siguir faciéndolo polo menos hasta’l 30 de setiembre, ensin que seya mester averase a les oficines. Tamién s’ufiertó tou tipu d’información relativa a prestaciones y modificáu de les demandes d’empléu nel casu de que fuera plantegao pola persona interesada.
D’equí p’arriba, la cita previa va ser necesaria para realizar cualesquier consulta o serviciu nel Sepepa. El pidimientu d’hora puede xestionase al traviés del portal Trabayastur o per teléfonu. La directora xeneral del Sepepa, Pilar Varela, destacó la normalidá cola que se desarrolló la primer xornada, que rexistró una arribación progresiva d’usuarios. Tamién se volvió a entamar l’atención presencial nos programes d’orientación y acompañamientu al empléu. “Somos conscientes de que nestos momentos ríquense más que nunca unos servicios públicos d’empléu atendíos cola mesma profesionalidá que demostraron na crisis sanitaria pa emprestar un serviciu de calidá na busca activa d’empléu”, aseguró.
