El Puertu de Xixón rexistró un descensu nos tráficos mientres los trés primeros meses del añu. Concretamente, moviéronse nel puertu xixonés 3.700.855 tonelaes, que suponen un 25% menos que nel mesmu periodu del añu anterior.
Por capítulos, ha señalase que los graneles líquidos crecen un 49% por cuenta de les descargues de GNL, magar les gasolines y el gasoil baxen el 26%. Los graneles sólidos polos muelles comerciales algamen 1.189.590 tonelaes, que suponen un millón menos que nel mesmu periodu de 2023 y representen una cayida del 46%. La mercancía xeneral, pela so parte, crez el 11%, debíu sobremanera al tráficu de contenedores. Los graneles sólidos en EBHISA, 1,7 millones de tonelaes – 400.000 menos que nos trés primeros meses de 2023-, mengüen el 19%.
